Þiggur ekki boð í Hvíta húsið
Setja bókamerki
Unnusta sádiarabíska blaðamannsins Jamals Khashoggis, Hatice Cengiz, segist hafa hafnað boði Donalds Trumps Bandaríkjaforseta í Hvíta húsið. Hún segir að forsetinn hafi ekki verið hreinskilinn varðandi rannsókn morðsins á Khashoggi.
Jamal Khashoggi var myrtur á ræðismannsskrifstofu Sádi-Arabíu í Istanbúl í Tyrklandi í byrjun þessa mánaðar. Ríkissaksóknari Sádi-Arabíu sagði í gær að Khashoggi hefði verið myrtur að yfirlögðu ráði.
Cengiz sagði að tilgangur boðsins frá Trump væri að reyna að hafa áhrif á almenningsálitið í Bandaríkjunum. Yfirvöld í Sádi-Arabíu neita því að konungsfjölskyldan eigi einhvern þátt í dauða Khashoggis sem þau segja að hafi verið ósamþykkt aðgerð.
Cengiz skrifaði grein í New York Times fyrr í mánuðinum. Þar kom meðal annars fram að ef Trump reyndi af fullri alvöru að útskýra hvað gerðist á ræðismannsskrifstofunni daginn sem unnusti hennar var myrtur myndi hún íhuga að þiggja boð hans.
Trump hefur sagt að hann sé ekki fullkomlega sáttur við skýringar Sádi-Araba. Hann segist hafa íhugað einhverjar refsiaðgerðir vegna málsins en ítrekar mikilvægi sambands landanna.
Hann hefur enn fremur sagt að það sé mögulegt að krónprins Sádi-Arabíu, Mohammed bin Salman, hafi ekki vitað um morðið. Khashoggi hafði gagnrýnt yfirvöld í Sádi-Arabíu opinberlega og að hann óttaðist handtöku vegna gagnrýni sinnar á yfirvöld.
Í viðtali einungis þremur dögum fyrir morðið sagði hann að þeir sem væru handteknir væru ekki einu sinni andófsmenn. Þeir væru einfaldlega með sjálfstæða hugsun.
Gígbarmurinn hækkað frá því í gær
Skemmtiferðaskip hætt komið nærri Viðey
„Það þarf að vinna mikinn fjölda upp“
Shakespeare fannst í skókassa
Tveir í bílnum sem lenti utan vegar
Banna mengandi búnað sem leyfður er á Íslandi
„Höfum ekki náð að skríða upp úr þeirri gryfju“