Íbúar í norðausturhluta Ástralíu undirbúa sig nú fyrir öflugan fellibyl, sem fengið hefur nafnið Owen, sem hefur verið að færast í aukana norður af Queensland.
Yfirvöld hafa gefið út flóðaviðvaranir vegna mikillar úrkomu sem fylgir fellibylnum. Spár gera ráð fyrir að Owen verði orðinn fjórða stigs fellibylur þegar hann kemur að landi seint í kvöld eða nótt.
Samkvæmt upplýsingum frá Veðurstofunni í Queensland má búast við talsverðri eyðileggingu vegna fellibylsins en von er á að vindhraði fari upp í allt að 55 metra á sekúndu. Fellibylurinn mun ná landi við Queensland en fer svo niður með austurströnd landsins.
Currently tracking a long line of storms stretching from Wide Bay to northern #NSW. Several #Severe Thunderstorm #Warnings are in place. You can see the full details here https://t.co/IpmB3lWtF7 pic.twitter.com/ibhmTKtoRa
— Bureau of Meteorology, Queensland (@BOM_Qld) December 14, 2018
Íbúar í Queensland eru ekki ókunnir fellibyljum en í mars í fyrra olli fellibylurinn Debbie mikilli eyðileggingu. Hann var einnig fjórða stigs fellibylur líkt og gert er ráð fyrir að Owen verði þegar hann kemur að landi.