Alex Salmond handtekinn

Alex Salmond, fyrr­ver­andi for­sæt­is­ráðherra skosku heima­stjórn­ar­inn­ar og fyrr­ver­andi leiðtogi Skoska ...
Alex Salmond, fyrr­ver­andi for­sæt­is­ráðherra skosku heima­stjórn­ar­inn­ar og fyrr­ver­andi leiðtogi Skoska þjóðarflokks­ins. AFP

Alex Salmond, fyrr­ver­andi for­sæt­is­ráðherra skosku heima­stjórn­ar­inn­ar og fyrr­ver­andi leiðtogi Skoska þjóðarflokks­ins, hefur verið handtekinn og ákærður vegna ásakana um kynferðislegt ofbeldi. Tvær ákærur hafa verið lagðar fram gegn Salmond sem verður leiddur fyrir dómara síðar í dag.

Salmond var í ágúst sakaður um kyn­ferðis­lega áreitni í skoska dag­blaðinu Daily Record og samkvæmt frétt blaðsins var lög­regl­an ít­rekað beðin um að rann­saka ásak­an­ir á hend­ur hon­um. Salmond vísaði ásök­un­um á bug og höfðaði mál gegn skosk­um stjórn­völd­um vegna rann­sókn­ar sem ráðist var í vegna þeirra.

Dómstóll í Edinborg úrskurðaði á dögunum að skosk yfirvöld hefðu ekki farið að lögum við rannsókn á meintum kynferðisbrotum Salmonds. Lögreglan hóf þá sjálfstæða rannsókn á málum tveggja kvenna sem saka Salmond um kynferðislega áreitni og var niðurstaða rannsóknarinnar send ákæruvaldinu í Skotlandi. 

Salmond sagði sig úr flokkn­um í kjöl­far ásak­ana en hann sagðist ætl­a að hreinsa nafn sitt af ásök­un­um og skrá sig aft­ur í flokk­inn að því loknu.

mbl.is
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 6...
Ford Escape 2007. SKOÐAÐUR. SKIPTI MÖGULEG.
FORD ESCAPE XLT, 0 6/2007, EK. 122 Þ. KM., V6, 3,0, 201 HÖ., SJÁLFSK.,...
EIGUM ALLSKONAR STIGA Á LAGER
Sjá fjölmargar gerðir á: http://www.sogem-sa.com/stairs Sími 615 1750 Sjá einni...