Nicolas Maduro, forseti Venesúela, segir landið reiðubúið til þess að þiggja alþjóðlega aðstoð vegna ástandsins í landinu. Þessu lýsti forsetinn yfir á Twitter í kjölfar fundar hans með æðsta stjórnanda Rauða krossins á heimsvísu í Caracas.
Hingað til hefur forsetinn þvertekið fyrir það að hægt sé að lýsa ástandinu í landinu sem mannúðarlegu neyðarástandi, en í tilkynningu sinni segir hann að þrátt fyrir að hann sé nú tilbúinn að samþykkja alþjóðlega aðstoð verði Rauði krossinn að virða réttarkerfi Venesúela.
Sostuve una productiva reunión de trabajo con Altos Representantes del Comité Internacional de la Cruz Roja. Ratificamos nuestra disposición de establecer mecanismos de cooperación para la asistencia y apoyo internacional, en pleno respeto del ordenamiento jurídico venezolano. pic.twitter.com/hckW0W1mQj
— Nicolás Maduro (@NicolasMaduro) 10 April 2019
Forseti Alþjóðaráðs Rauða krossins, Peter Maurer, hefur verið í Venesúela síðan á laugardag en mun yfirgefa landið í dag.
Sjórnarkrísan í Venesúela hefur haft alvarlegar afleiðingar fyrir íbúa landsins síðan þingforseti landsins, Juan Guaido, lýsti sig starfandi forseta í janúar.