Drengur sem vó 258 grömm við fæðingu fyrir sex mánuðum er nú loks kominn heim. Drengurinn var útskrifaður af vökudeild í febrúar en læknir hans á Naganu-barnaspítalanum í Tókýó segir hann reiðubúinn að yfirgefa sjúkrahúsið.
Rysuke Sekiya var álíka þungur og epli, 258 grömm, þegar hann fæddist í október í fyrra og aðeins 22 sentimetrar á lengd, eða jafn langur og skór í stærð 37. Hann er léttasti drengur sem hefur fæðst og verið heilbrigður en léttasta stúlkan var 252 grömm þegar hún fæddist árið 2015.
Rysuke var tekinn með neyðarkeisaraskurði þegar móðir hans var gengin 24 vikur. Ákveðið var að framkvæma bráðakeisara í ágúst þar sem hann var hættur að þyngjast í móðurkviði og læknar óttuðust um líf hans. Hann var færður í hitakassa og tengdur við tæki og tól og var undir ströngu eftirliti lækna. Nærðist hann í gegnum slöngu en fékk einnig móðurmjólk með aðstoð bómullarhnoðra.
Drengurinn er nú þrettán sinnum þyngri en við fæðingu, rúmlega þrjú kíló. „Þegar hann fæddist var hann svo smágerður að það leit út fyrir að hann myndi brotna ef ég snerti hann. Ég var svo áhyggjufull,“ segir Toshiko, móðir drengsins. „Núna drekkur hann mjólk. Við getum baðað hann. Ég er svo hamingjusöm að sjá hann vaxa og dafna.“
Rysuke er þó ekki minnsta barnið sem fæðst hefur og lifað af, heldur er það þýsk stúlka, sem var aðeins 252 grömm við fæðingu árið 2015. Stúlkur sem fæðast mjög smágerðar lifa frekar af en drengir.
Minnsta barnið sem hefur fæðst var þó þýsk stúlka, sem var aðeins 252 grömm við fæðingu árið 2015. Stúlkur sem fæðast mjög smáar lifa frekar af en drengir.