Bretar munu ganga úr Evrópusambandinu samningslausir 31. október nema breska þingið samþykki fyrirliggjandi útgöngusamning Theresu May eða boðað verði til nýrrar þjóðaratkvæðagreiðslu um aðild. Þetta er niðurstaða leiðtogaráðs Evrópusambandsins, sem fundar nú í Brussel. Guardian greinir frá.

Leo Varadkar, forsætisráðherra Írlands, sagði á blaðamannafundi í Brussel í gær að „gríðarleg andstaða“ væri meðal leiðtoga aðildarríkjanna 27 gegn frekari seinkun á útgöngunni, sem þegar hefur verið seinkað í tvígang. Vardakar sagði að þótt Írar hefðu „óendanlega þolinmæði“ væri það orðið samdóma álit annarra leiðtoga að óákveðni breskra stjórnvalda yrði ekki liðin lengur.

Theresa May lætur senn af embætti forsætisráðherra Bretlands, og við tekur annaðhvort Boris Johnson, fyrrverandi utanríkisráðherra, eða Jeremy Hunt, sá núverandi. 

Frétt af mbl.is

Valið á milli Johnson og Hunt

Johnson hefur lýst því yfir að hann vilji að Bretar gangi út úr sambandinu 31. október „með eða án samkomulags“ en hann hefur haldið því fram að honum muni takast að ná betra samkomulagi við Evrópusambandið um útgönguna, þrátt fyrir margítrekaðar yfirlýsingar leiðtoga sambandsins um að eina samkomulagið sem standi til boða sé það sem þegar liggur fyrir, og tók tæp tvö ár að semja um.

Jeremy Hunt hefur hins vegar ekki viljað skuldbinda sig til að ganga úr ESB 31. október. Þótt það sé markmiðið sé ekki hægt að útiloka að samningaviðræður verði komnar á gott skrið á þeim tíma og útganga gæti tafist.

Samkomusalur leiðtogaráðs Evrópusambandsins í Brussel. AFP

Tengdar fréttir

Brexit

Nigel Farage gefur kost á sér og leiðir flokk

• Verði auðveldara að fara til og frá Bretlandi
• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins

» Fleiri tengdar fréttir

• Blogga um frétt