Hitabeltislægð sem gengur nú yfir Bahamaeyjar gæti breyst í fellibyl á næstu tveimur dögum, aðeins tveimur vikum eftir að fellibylurinn Dorian gekk þar yfir og jafnaði þúsundir bygginga við jörðu með tilheyrandi mannfalli.

BBC greinir frá.

Lægðin, sem kölluð er hitabeltislægð níu, er nú þegar byrjuð að valda vandræðum á Bahamaeyjum með mikilli rigningu og öflugum vindhviðum. Að minnsta kosti 1.300 er enn saknað á Bahamaeyjum eftir Dorian og yfirvöld óttast mjög að lægðin muni hindra leitar- og björgunarstörf og jafnvel valda flóðum.

Frétt af mbl.is

1.300 saknað á Bahamaeyjum eftir Dorian

Talið er að vindhraði geti náð allt að 12,5 metrum á sekúndu á næstu dögum.

„Ég vona að lægðin muni ekki hindra björgunarstörf og við höfum gripið til varúðarráðstafana vegna hennar,“ sagði Carl Smith frá samtökunum NEMA (National Emergency Management Agency) við fjölmiðla.

Frétt af mbl.is

Fjöldi látinna aldrei á hreint

Að minnsta kosti 50 fórust þegar Dorian gekk yfir Bahamaeyjar og 1.300 er saknað. AFP

Tengdar fréttir

Fellibylurinn Dorian 2019

Sendifulltrúi RKÍ til hjálparstarfa á Bahamas

• Annar stormur skollinn á Bahama
• 1.300 saknað á Bahamaeyjum eftir Dorian
• Fjöldi látinna aldrei á hreint
• 17% íbúa Bahamaeyja heimilislaus

» Fleiri tengdar fréttir

• Blogga um frétt