Jimmy Carter, fyrrverandi forseti Bandaríkjanna, var lagður inn á sjúkrahús í gær þar sem hann mun gangast undir aðgerð til að minnka þrýsting á heila hans eftir að hafa dottið og fengið áverka á höfði.
Carter er 95 ára og var forseti Bandaríkjanna 1976 — 1980.
Í yfirlýsingu frá Carter-miðstöðinni, friðarmiðstöð sem hann stofnaði eftir forsetatíð sína, segir að eiginkona hans, Rosalynn, sé honum til halds og trausts á sjúkrahúsinu.
Carter dvaldi í þrjá daga á sjúkrahúsi í fyrra eftir mjaðmargrindarbrot. Árið 2015 greindi hann frá því opinberlega að hann hefði greinst með krabbamein í heila, en fékk geislameðferð við því sem bar góðan árangur.