Þrír létust í lestarslysinu við Stonehaven í Skotlandi og sex hafa verið fluttir á sjúkrahús.
BREAKING Three dead after passenger train derails near Stonehaven https://t.co/HtGUcdfBse
— BBC Scotland News (@BBCScotlandNews) August 12, 2020
Þetta er haft eftir bresku umferðarlögreglunni, en fram kemur að ekki hafi verið búið að bera kennsl á hin látnu, en talið er að ökumaður lestarinnar sé á meðal þeirra. Talið er að þau sex sem flutt voru á sjúkrahús séu ekki alvarlega slösuð.
Í tilkynningu lögreglunnar kemur fram að fáir hafi verið um borð í lestinni; talið er að gert hafi verið grein fyrir öllum farþegum lestarinnar.
Stonehaven er um 25 kílómetrum sunnan við Aberdeen-borg, en miklar rigningar hafa verið á svæðinu í nótt.
Lestin átti að leggja af stað frá Aberdeen-borg til Glasgow klukkan 06.38 í morgun, að breskum tíma, en ferðinni var frestað vegna mikilla flóða.
Þrír af fjórum vögnum lestarinnar eru taldir hafa farið út af sporinu af völdum jarðrasks.
Aerial footage shows the aftermath of a train derailed in Aberdeenshire, Scotland
— BBC News (UK) (@BBCNews) August 12, 2020
Three people, including the driver, confirmed dead and six people have been taken to hospitalhttps://t.co/CfW6eFfHDC pic.twitter.com/DlwEk8oTXD