Kórónuveirufaraldurinn gæti verið gífurlegt tækifæri til að endurbyggja hagkerfi heimsins með hreinni orku. Þetta sagði Arnold Schwarzenegger, fyrrum ríkisstjóri Kaliforníu, á árlegri ráðstefnu um loftslagsmál, sem góðgerðafélag kvikmyndastjörnunnar heldur í Austurríki.

Schwarzenegger sagði í ræðu sinni að faraldurinn, sem hafi valdið dauða nær milljón manns og haft gríðarleg efnahagsleg áhrif um heim allan, væri tækifæri til að grípa til aðgerða.

„Nú er þörf er á framsýnum ákvörðunum, þú þegar billjón dollarar og billjón evrur streyma í uppbyggingu á hagkerfum og innviðum í kjölfar faraldursins,” sagði Schwarzenegger.

„Þessir sjóðir eru svo stórir að þeir geta endurmótað samfélög. Þetta er gríðarlegt tækifæri.”

Hann hvatti til þess að peningar væru notaðir til að fjárfesta í uppbyggingu „umhverfisvænna orkuhagkerfa”, sem myndi skapa umhverfisvæn störf og hreinni orku.

Ráðstefnan, sem ber nafnið Austrian World Summit, var haldin í fjórða skipti í ár. Meðal þeirra sem fram komu var varaforseti Framkvæmdarstjórnar Evrópusambandsins, og leiðtogar frá löndum á borð við Austurríki, Slóvakíu og Króatíu.

Tengdar fréttir

Kórónukreppan

Áfangaheimilinu lokað ef ekki er gripið inn í

• „Þetta er allt saman á fleygiferð“
• Of harðar aðgerðir í faraldrinum
• Sjá fram á minna atvinnuleysi
• „Það er best að hafa samræmi í þessu“

» Fleiri tengdar fréttir

• Blogga um frétt