Giuliani: Trump játar ekki ósigur
Setja bókamerki
Kosningateymi Donalds Trumps mun hefja málaferli á mánudaginn, ef marka má orð Rudis Giulianis á blaðamannafundi í Philadelphiu í dag. Hann segir einnig að Trump muni ekki játa ósigur fyrr en atkvæðin verði talin á ný.
Giuliani talaði fyrir hönd Trump-teymisins og ítrekaði ásakanir Trumps um kosningasvindl í Pennsylvaníu og víðar.
Málaferlin varða, að sögn Giulianis, meint kosningasvindl sem snýr að talningu atkvæða sem bárust með pósti. Á blaðamannafundinum hélt hann því fram að eftirlitsmönnum Repúblikanaflokksins hefði verið meinað að fylgjast með talningu atkvæðanna.
Þá segir hann að svindlið felist meðal annars í því að átt hafi verið við fjölda atkvæða í ríkinu, sérstaklega þau sem bárust í pósti, og að margir þeirra sem greitt hafi atkvæði í ríkinu séu látnir. Ekki hafa komið fram sönnunargögn sem styðja þetta.
Í tilkynningu frá Trump-teyminu, sem Washington Post greinir frá, segir að kosningunum sé „langt frá því að vera lokið“, þótt helstu fréttaveitur hafi lýst yfir sigri Bidens.
„Fréttaveitur ákveða ekki niðurstöður kosninga,“ sagði Giuliani á blaðamannafundinum.
Komu saman á kyrrðar- og bænastund
Finnar og Svíar taka ekki á móti særðum frá Gasa
Mikill útflutningur frá Vestfjörðum
Þyrla Gæslunnar sinnti óvenjulegu verkefni
Grænlendingar vildu ekki fá björninn til baka
Glæpastarfsemi orðin mun skipulagðari
Fékk menningarsjokk þegar hann flutti aftur heim
Íslensk hljómsveit margritskoðuð í Kína