Fagnar „uppörvandi“ fregnum um bóluefni
Setja bókamerki
Framkvæmdastjóri Alþjóðaheilbrigðismálastofnunarinnar (WHO) fagnar „uppörvandi“ fregnum um bóluefni gegn Covid-19 en lýsir yfir alvarlegum áhyggjum vegna fjölgunar tilfella kórónuveirunnar í mörgum löndum.
„Það er enginn tími fyrir andvaraleysi,“ sagði Tedros Adhanom Ghebreyesus, framkvæmdastjóri stofnunarinnar, á rafrænum blaðamannafundi.
„Þetta er hættuleg veira sem getur ráðist á hvert einasta svæði líkamans. Þessi lönd sem eru að leyfa veirunni að valsa um óáreittri eru að leika sér að eldinum,“ bætti hann við.
Fyrr í dag var greint frá því að bóluefni frá bandaríska framleiðandanum Moderna gegn Covid-19 hafi nærri 95% virkni samkvæmt grunnprófunum.
Pfizer og BioNTech hafa einnig verið með bóluefni í framleiðslu sem lofar góðu.
Tedros Adhanom Ghebreyesus á blaðamannafundi í mars.
AFP
Skar höfuðleðrið af íslenskri konu
Krefjast stöðvunar framkvæmda
„Höfum ekki náð að skríða upp úr þeirri gryfju“
Eyjafjarðarbraut lokað vegna alvarlegs umferðarslyss
Shakespeare fannst í skókassa
Gígbarmurinn hækkað frá því í gær