Skipun Pete Buttigieg í embætti samgöngumálaráðherra Bandaríkjanna var staðfest af öldungadeild Bandaríkjaþings í dag og er Buttigieg því orðinn fyrsti opinberlega samkynhneigði ráðherrann í sögu landsins.

Buttigieg bauð sig fram í forkosningum demókrata fyrir síðustu forsetakosningar og byrjaði ágætlega áður en fór að halla undan fæti. Buttigieg studdi svo Joe Biden í forkosningunum eftir að hann hætti þátttöku.

Buttigieg er gjarnan kallaður Pete borgarstjóri (e. Mayor Pete) en hann gegndi eitt sinn starfi borgarstjóra í South Bend, Indiana. Buttigieg er einnig fyrrum sjóliðsforingi í bandaríska hernum og þjónaði hann í stríði Bandaríkjanna gegn Afganistan.

Joe Biden Bandaríkjaforseti hefur áður sagt að ríkisstjórn hans sé sú fjölbreyttasta í sögu landsins en fyrirhugað er að öldungadeildin samþykki skipun Alejandro Mayorkas í embætti varnarmálaráðherra og yrði hann fyrsti innflytjandinn af rómönskum ættum til að gegna því embætti.

Pete Buttigieg. AFP

Tengdar fréttir

Joe Biden Bandaríkjaforseti

Biden vill lækka námslánaskuldir

• „Þjóðin stendur við bakið á ykkur“
• Segir yfirvöld Ísraels hafa hlustað á sig
• Vill breytingar á „næstu klukkustundum eða dögum“
• Mikið undir í stefnuræðu Bidens

» Fleiri tengdar fréttir

• Blogga um frétt