Tilnefnir fyrstu svörtu konuna til Hæstaréttar
Setja bókamerki
Joe Biden Bandaríkjaforseti tilnefndi í dag Ketanji Brown Jackson sem dómara við Hæstarétt Bandaríkjanna. Verði tilnefningin samþykkt verður Jackson fyrsta svarta konan sem tekur sæti í réttinum.
Jackson var fyrst skipuð dómari við alríkisdómstól árið 2013, og var síðan skipuð dómari við áfrýjunardómstól Washington umdæmis á síðasta ári. Naut hún stuðning þriggja öldungadeildarþingmanna repúblíkana við síðari skipunina.
Jackson, sem er 51 árs, mun taka sæti Stephen Breyer við dómstólinn. Bæði Jackson og Breyer þykja frjálslynd í túlkun sinni á stjórnarskrá Bandaríkjanna og mun þá hugmyndafræðileg skipting innan dómstólsins ekki breytast við skipan Jackson.
Jackson mun á næstu vikum koma fyrir báðar deildir Bandaríkjaþings og viðbúið er að öldungadeildin kjósi um skipan hennar í apríl. Repúblíkanar geta ekki komið í veg fyrir að tilnefning hennar verði samþykkt ef að allir 50 öldungadeildarþingmenn demókrata samþykkja hana.
Vangaveltur gengu lengra en innistæða var fyrir
Glæpastarfsemi orðin mun skipulagðari
Eina leiðin var að fella björninn
Davíð Viðarsson var skyndihugdetta
Óánægja er með áform um efnistöku
Vendingar vestanhafs geti haft áhrif hér heima
Fékk menningarsjokk þegar hann flutti aftur heim
Grænlendingar vildu ekki fá björninn til baka