Mordaunt bætist í formannsslaginn

Penny Mordaunt, viðskiptaráðherra Bretlands.
Penny Mordaunt, viðskiptaráðherra Bretlands. AFP

Penny Mordaunt, viðskiptaráðherra Bretlands, hefur tilkynnt að hún muni bjóða sig fram í leiðtogakjöri Íhaldsflokksins.

Mordaunt tilkynnti um framboð sitt í færslu á twitter-síðu sinni í dag þar sem hún skrifaði: „Forysta okkar verður að breytast. Hún þarf að snúast aðeins minna um leiðtoganna og miklu  meira um skipið.“

Mordaunt er sú níunda til að bjóða sig fram eftir að Boris Johnson forsætisráðherra sagðist myndu segja af sér sem formaður flokksins á fimmtudaginn og stíga til hliðar sem forsætisráðherra í haust.

Auk Mordaunt hafa þessi gefið kost á sér í embættið:

  • Tom Tug­end­hat formaður ut­an­rík­is­mála­nefnd­ar breska þings­ins
  • Su­ella Bra­verm­an dóms­málaráðherra
  • Steve Baker þingmaður
  • Ris­hi Sunak, fyrr­ver­andi fjár­málaráðherra Bret­lands
  • Sajid Javid, fyrr­ver­andi fjár­mála- og heil­brigðisráðherra
  • Nadhim Za­hawim fjár­málaráðherra
  • Jeremy Hunt, fyrr­ver­andi heil­brigðisráðherra
  • Tom Tug­end­hat formaður ut­an­rík­is­mála­nefnd­ar breska þings­ins
mbl.is
Loka