Dómstóll í Bangladess hefur nú bannað ferðalöngum að ferðast um á þökum lesta í landinu. Er þetta gert til að koma í veg fyrir dauðsföll, en ferðalagið á þakinu er hættulegt og láta margir lífið á ferðinni.
Lengi hefur það tíðkast í suðurhluta Asíu að fólk klifri upp á þök lesta og sleppi að kaupa farmiða. Starfsmenn járnbrauta eru þó sagðir þiggja mútur gegn því að veita aðgang að þakinu.
Einn dómaranna í málinu sagði það vera ákveðna tegund spillingar að þeir sem fari á þakið borgi ekkert fargjald.