Liz Truss bar sigur úr býtum í leiðtogakjöri Íhaldsflokksins í Bretlandi og verður þar með næsti forsætisráðherra landsins.

Þetta var tilkynnt rétt í þessu. 

Frétt af mbl.is

Liz Truss sögð líklegri til sigurs

Atkvæðagreiðslunni lauk á föstudaginn þar sem kosið var á milli Truss, sem er utanríkisráðherra, og Rishi Sunak, fyrrverandi fjármálaráðherra Bretlands. 

„Það er heiður að vera kjörin leiðtogi Íhaldsflokksins,“ sagði Truss, eftir að úrslitin voru tilkynnt.

Greidd voru 172.437 atkvæði og var kjörsókn 82,6%. Truss hlaut 81.326 atkvæði, eða um 57%, á móti 60.399 atkvæðum Sunak.

Liz Truss flytur ræðu eftir að úrslitin voru tilkynnt. AFP/Adrian Dennis

Bor­is John­son, sem hefur starfað sem for­sæt­is­ráðherra frá því hann sagði af sér embætti í byrj­un júlí, mun færa Elísa­betu Eng­lands­drottn­ingu form­legt upp­sagn­ar­bréf sitt á morgun.  

Truss verður þriðja konan til að gegna embætti forsætisráðherra í sögu Bretlands. 

Í ræðu sinni þakkaði Truss Boris Johnson fyrir að hafa staðið uppi í hárinu á Vladimír Pútín Rússlandsforseta, klárað Brexit, komið bóluefni við kórónuveirunni til almennings og fyrir að „rústa Jeremy Corbyn“ í kosningum árið 2019.

Hún sagðist ætla að standa við gefin loforð í kosningabaráttunni, meðal annars að lækka skatta og efla breskan efnahag.

Truss kvaðst jafnframt ætla að „standa sig í stykkinu“ vegna hækkandi orkuverðs í landinu og framboðs af orku.  

Liz Truss og Rishi Sunak á fundi Íhaldsflokksins þar sem úrslitin voru tilkynnt. AFP

Tengdar fréttir

Boris Johnson segir af sér

Boris átti erfitt með að meðtaka vísindaleg gögn

• Villti um fyrir þinginu í Partygate-máli
• Johnson þarf að svara fyrir „Partygate“
• Sjálfsævisaga sem verður „engri annarri lík“
• Truss tekin við eftir fund með drottningunni

» Fleiri tengdar fréttir

• 1 blogg um fréttina

Bloggað um fréttina

• Guðjón E. Hreinberg: Bretland hefur nú að tékka sig út