Karlmaður á þrítugsaldri var skotinn til bana í Osló, höfuðborg Noregs, í nótt. Tveir eru í haldi lögreglu og verða þeir yfirheyrðir.
Norska ríkisútvarpið greinir frá.
Morðið átti sér stað nálægt Grønland neðanjarðarlestastöðinni. Árásarmaðurinn sást hlaupa í burtu af vettvangi og er hans enn leitað. Þá hefur morðvopnið ekki fundist.
Talið er að hinn látni og morðingi hans hafi þekkst.