Í bréfi, sem Tryggvi Gunnarsson, umboðsmaður Alþingis, sendi Árna M. Mathiesen, fjármálaráðherra í febrúar, vegna skipunar héraðsdómara, segir að spurningarnar til ráðherrans séu ítarlegri en að jafnaði sé þörf á svo ráðherra fái sem best tækifæri til að senda skýringar.

Í svari Árna við spurningum Tryggva, sem birt var í Morgunblaðinu í morgun, segir ráðherra m.a:

„Athygli vekur að spurningar yðar eru mjög ítarlegar í framsetningu og með því yfirbragði og orðavali að svo virðist sem afstaða yðar til úrlausnarefnisins kunni að vera mótuð fyrirfram. Af þeim sökum má halda því fram að svör þau sem undirritaður ber fram hér að neðan komi til með að hafa takmarkaða þýðingu þegar þér leysið úr málinu og þar með hinn sjálfsagði réttur undirritaðs til andmæla."

Í bréfi Tryggva segir m.a:

„Ég tek það fram að með tilliti til málavaxta í þessu máli hef ég talið rétt að setja af minni hálfu fram ítarlegri spurningar en ég tel að jafnaði þörf á. Þetta geri ég til þess að yður gefist sem best tækifæri til að senda mér skýringar yðar og þar með verði sem bestur grunnur lagður að frekari athugun minni og afgreiðslu á þeim kvörtunum sem mér hafa borist vegna þessa máls."

Bréf Árna í heild

Tengdar fréttir

Skipulag í Reykjavík

Deiliskipulag: Borgin brýtur á borgurunum

• Hús standa auð við Laugaveg
• Koma varla til með að binda hendur borgarinnar
• Segir borgarsjóð tapa hálfum milljarði á Laugavegshúsum
• Vilja að Klapparstíg 30 verði þyrmt

» Fleiri tengdar fréttir

• 2 blogg um fréttina

Bloggað um fréttina

• Brynjar Hólm Bjarnason: Þjóðfélag með pólitíska spillingu.
• Anna Kristinsdóttir: Í landi þar sem pólítísk spilling blómstrar