Ítrekaðar áhyggjur af skuldastöðunni

Innlendar skuldir nema nær fjórfaldri vergri landsframleiðslu eða 384% af henni. Hreinar erlendar skuldir fjármálakerfisins voru um 3,6 sinnum hærri en útflutningstekjur 2007. Þessar tölur eru meðal þeirra hæstu meðal ríkja sem hafa lánshæfiseinkunn, að mati Standard & Poor's.

Ákvörðun Standard & Poor’s um lækkun lánshæfiseinkunna ríkissjóðs undirstrikar ítrekaðar áhyggjur matsfyrirtækisins af háum erlendum skuldbindingum íslenska fjármálakerfisins og þeim  óbeinu ábyrgðum sem í þeim felast fyrir ríkissjóð.Í tilkynningu matsfyrirtækisins sem birtist í íslenskri þýðingu í frétt Seðlabankans segir m.a.:

„Vegna þess að íslensku bankarnir hafa fjármagnað vöxt sinn erlendis sem og nokkurra innlendra athafnamanna, þá hafa hreinar erlendar skuldir fjármálakerfisins aukist úr 161% af útflutningstekjum árið 2003 í 362% árið 2007. Á sama tímabili hafa innlendar skuldir sem hlutfall af vergri landsframleiðslu vaxið úr 130% í 384%.“  

Frétt Seðlabankans

• 3 blogg um fréttina

Bloggað um fréttina

• Margrét Birna Auðunsdóttir: Úff
• Jóhann Elíasson: Hafa þeir réttar upplýsingar núna?????
• Magnús Helgi Björgvinsson: Ég held að allur vöxtur Íslands síðustu ár sé tekinn …