Lögregla ætti að ákæra þá sem hýsa börn sem eru í fíkniefnavanda og hafa „týnst“ og þannig stuðla að því að þeir hætti að hýsa þau á heimilum sínum eða í fíkniefnagrenjum.

Í mörgum tilfellum er níðst á þessum börnum, þau látin fá fíkniefni í skiptum fyrir kynmök eða þeim nauðgað á meðan þau eru í lyfjavímu, að því er fram kemur í fréttaskýringu um þessi mál í Morgunblaðinu í dag.

Halldór Hauksson, sviðsstjóri meðferðar- og fóstursviðs Barnaverndarstofu, bendir á að lagaramminn sé skýr og refsingar við þessu broti harðar. Samt sem áður sé afar sjaldgæft að ákært sé fyrir að hýsa týnd börn sem foreldrar hafi lýst eftir. Hjá Barnaverndarstofu sé reyndar ekki vitað til þess að það hafi nokkru sinni verið gert.

Tengdar fréttir

Ungmenni í vanda

Tók hvaða dóp sem að henni var rétt

• „Búin að fá drenginn minn aftur“
• Ungmennum í vanda veitt aðstoð
• Stækkandi hópur fær ekki meðferð
• Sé enga ástæðu til að skammast mín

» Fleiri tengdar fréttir