Gerðist ekki brotleg við lög
Setja bókamerki
Sigríður Björk Guðjónsdóttir, lögreglustjóri á höfuðborgarsvæðinu, tekur í yfirlýsingu fram að hún hafi ekki gerst brotleg við lög þegar hún varð við ósk aðstoðarmanns Innanríkisráðherra um að senda honum skýrsludrög um málefni hælisleitanda þann 20. nóvember 2013.
Í frétt á vef Kjarnans kom fram að Sigríður Björk hefði brotið lög og að það kæmi fram í úrskurði Persónuverndar. Í yfirlýsingu Sigríðar Bjarkar segir að Persónuvernd komist að þeirri niðurstöðu að miðlun skýrsludraganna hafi ekki stuðst við viðhlítandi heimild þar sem hún var ekki á meðal gagna í því máli hælisleitandans sem til meðferðar var í ráðuneytinu. „Það gat ég sem sendandi hvorki vitað né tryggt.“
Þá segi Persónuvernd í úrskurði sínum „að móttaka aðstoðarmannsins á skýrsludrögunum frá Lögreglunni á Suðurnesjum hafi talist liður í starfsemi ráðuneytisins og það því ábyrgðaraðili að þeirri vinnslu sem í móttöku draganna fólst“. Það hafi því verið ráðuneytisins að tryggja að rétt yrði farið með skjalið. Það var mat lögreglunnar á Suðurnesjum að lagaleg heimild væri til staðar fyrir miðlun skýrsludraganna.
Af niðurstöðu Persónuverndar verði einnig ráðið að þörf er á að yfirfara innan stjórnsýslunnar verkferla vegna krafna um upplýsingaöryggi og öryggi við miðlun persónuupplýsinga.
„Höfum ekki náð að skríða upp úr þeirri gryfju“
Telur forsendur fyrir vaxtalækkun
Krefjast stöðvunar framkvæmda
Hvorki sést áður hér á landi né annars staðar
Sex hafa greinst með listeríu
Kaldasti veturinn kom að óvörum
Skaut sex sinnum að feðginum á aðfangadagskvöld
Banna mengandi búnað sem leyfður er á Íslandi