Fyrrverandi flugstjóra Icelandair dæmdar 70 milljóna kr. bætur

Icelandair var gert að greiða dánarbúi fyrrverandi flugstjóra félagsins tæplega ...
Icelandair var gert að greiða dánarbúi fyrrverandi flugstjóra félagsins tæplega 70 milljónir króna. mbl/ Júlíus Sigurjónsson

Héraðsdómur Reykjavíkur hefur dæmt Icelandair til þess að greiða dánarbúi fyrrverandi flugstjóra flugfélagsins tæplega 70 milljónir króna auk dráttarvaxta og málskostnaðar. Dómurinn féll sl. fimmtudag.

Flugstjóranum var fyrirvaralaust sagt upp störfum hjá flugfélaginu eftir að hafa látið illa í flugi á heimleið til Íslands frá Danmörku eftir fraktverkefni á vegum Icelandair árið 2010. Hann var 59 ára þegar honum var sagt upp og hafði hann þá starfað hjá Icelandair í 26 ár, þar af helming starfstímans sem flugstjóri.

Málið var rekið fyrir Héraðsdómi Reykjavíkur.
Málið var rekið fyrir Héraðsdómi Reykjavíkur. mbl.is

Ástæða uppsagnarinnar var, líkt og segir að framan, ósæmileg hegðun í flugi á heimleið úr fraktverkefni. Icelandair bar fyrir sig að hann hefði beitt flugfreyju ítrekað kynferðislegri áreitni, verið ölvaður og sýnt vélvirkja og flugstjóra vélarinnar dónaskap.

Sagði Icelandair hegðun mannsins, og einkum ölvunarástand hans, hafa falið í sér mjög alvarlegt brot á starfsskyldum hans og gæfi heimild til brottreksturs. Flugstjórinn lést 7. mars sl. og tók þá dánarbú mannsins við málarekstrinum.

Hæstiréttur viðurkenndi rétt mannsins árið 2014

Flugstjórinn höfðaði mál á hendur Icelandair vegna uppsagnarinnar og sagði hana ólögmæta. Hann vann málið fyrir Héraðsdómi Reykjavíkur árið 2013 og staðfesti Hæstiréttur dóminn árið 2014. Í dómi Hæstaréttar var því slegið föstu að sérstakar reglur um flugstjóra hafi ekki gilt í heimferðinni og hann hafi engar skyldur borið í fluginu.

Frétt mbl.is: Réttlætti ekki fyrirvaralausa uppsögn

Var það ekki sannað að flugstjórinn hefði neytt áfengis í óhófi þannig að það hefði farið í bága við reglur Icelandair en aðilar málsins voru sammála um að maðurinn hefði drukkið tvö glös af bjór á Kastrupflugvelli áður en hann hélt þaðan. Dómurinn taldi sýnt að hann hefði sýnt af sér óviðeigandi hegðun gagnvart flugfreyjunni með því að taka í kjól hennar og reynt að kyssa hana en ekki þótti sannað að um hefði verið að ræða kynferðislega áreitni.

Þar sem Icelandair hafði ekki áður veitt manninum áminningu vegna óviðeigandi hegðunar var hegðun mannsins ekki talin þess eðlis að hún réttlætti fyrirvaralausa uppsögn úr starfi, þó svo að hegðun hefði verið með þeim hætti að hún sæmdi ekki stöðu hans hjá félaginu. Féllst Hæstiréttur því á viðurkenningarkröfu mannsins.

Flugstjórinn fékk tímabundna sykursýki

Flugstjórinn veiktist eftir uppsögnina en hann fékk járnofhleðslu sem olli honum tímabundinni sykursýki með háum blóðsykri. Í kjarasamningi Félags íslenskra atvinnuflugmanna og Icelandair, sem flugstjórinn heyrði undir, kveður á um að greiða skuli flugmönnum laun í allt að 13 mánuði vegna veikinda.

Sérfræðingur í innkirtla- og efnaskiptasjúkdómum ritaði læknisvottorð vegna veikinda flugstjórans og féllst Héraðsdómur Reykjavíkur á kröfu dánarbúsins um skaðabætur er jafngilda fullum launum vegna veikinda í 13 mánuði.

Þá gerði dánarbúið kröfu um skaðabætur sem námu óskertri tryggingarfjárhæð samkvæmt skírteinistryggingu flugmanna sem tekur til atvinnumissis flugmanna vegna aldurshrörnunar en samkvæmt skírteininu skal greiða óskerta tryggingarfjárhæð að 60 ára aldri vegna missis skírteinisins.

Var Icelandair samtals gert að greiða dánarbúinu 68.873.060 krónur, ásamt dráttarvöxtum samkvæmt 1. mgr. 6. gr. laga nr. 38/2001, um vexti og verðtryggingu frá 29. september 2014 til greiðsludags, auk málskostnaðar dánarbúsins að fjárhæð tvær milljónir króna.

mbl.is

Bloggað um fréttina

Innlent »

Hálka víða um land

00:01 Hálka er á öllu landinu, að Austurlandi undandskildu, fyrir utan nokkra fjallvegi. Einnig er greiðfært með suð-austurströndinni suður í Öræfi en nokkur hálka eða hálkublettir þar fyrir vestan. Meira »

Vel heppnaður hátíðarkvöldverður

Í gær, 23:28 Um 140 prúðbúnir gestir mættu í sérstakan hátíðarkvöldverð í sænsku konungshöllinni í kvöld til heiðurs íslensku forsetahjónunum, Guðna Th. Jóhannessyni og Elizu Reid. Opinber heimsókn forsetans til Svíþjóðar hófst í hádeginu í dag og stendur fram á föstudag. Meira »

Sveifluðu öxum í Austurbænum

Í gær, 22:50 Lögreglu barst tilkynning um klukkan fimm síðdegis um tvo einstaklinga á Háaleitisbraut sem voru að sveifla sitt hvorri öxinni. Í dagbók lögreglu kemur fram að lögreglan hafi skorist í leikinn og afvopnað einstaklingana. Að því loknu voru þeir færðir á lögreglustöð þar sem þeir voru yfirheyrðir. Meira »

Höfðu nánast öll verið á Vogi

Í gær, 21:10 Af þeim sex einstaklingum á aldrinum 20-24 ára sem létust árið 2016 höfðu fimm verið á Vogi, segir Þórarinn Tyrfingsson, læknir á Vogi. Magnús Ólason, læknir á Reykjalundi, biður lækna að ávísa ekki ópíóíðum til fólks sem glímir við þráláta bakverki. Meira »

Svínaði fyrir lögreglu á rauðu ljósi

Í gær, 21:09 Lögreglan á höfuðborgarsvæðinu birti myndband á Facebook-síðu sinni fyrr í kvöld þar sem ökumaður bifreiðar keyrir yfir á rauðu ljósi á Sæbraut. Minnstu munaði að bifreiðin hefði hafnað á lögreglubílnum, sem var að beygja inn á Sæbrautina. Meira »

Borgarfjörður sagður í Síberíu

Í gær, 20:55 Axel Þór Ásþórsson rak upp stór augu þegar hann ætlaði að skoða myndir frá bænum Oymyakon í Síberíu á Google Earth. Ein myndanna er úr Borgarfirðinum en þar má sjá Hvítá, Tungukoll og Hafnarfjall í fjarska. Meira »

Íslendingur með þriðja vinning

Í gær, 19:48 Einn heppinn lottóspilari var með hinn alíslenska þriðja vinning í víkingalottóútdrætti kvöldsins og fær hann 1.476.000 krónur í sinn hlut. Miðinn var keyptur á lotto.is. Hvorki fyrsti né annar vinningur gekk út og því verður fyrsti vinningur því þrefaldur og annar vinningur tvöfaldur í næstu viku. Meira »

Lengi lifir í gömlum glæðum

Í gær, 20:15 Sveinbjörn Dýrmundsson hefur sannreynt að lengi lifir í gömlum glæðum í tónlistarbransanum í Bretlandi og vill kalla saman eldri tónlistarmenn hérlendis með sama hætti og gert er í Stockport og víðar. Meira »

Lyfin ráða för í lækningum

Í gær, 19:30 Læknar nálgast ekki sjúklinga í dag út frá þeirra þörfum heldur miklu frekar lyfjum, segir Ófeigur Tryggvi Þorgeirsson, fagstjóri lækninga á heilsugæslunni í Grafarvogi. Hann og fleiri læknar sem fluttu erindi á Læknadögum um notkun ópíóíða lyfja eru sammála um að slíkum lyfjum sé of oft ávísað. Meira »

Ræddu norræna samvinnu og öryggismál

Í gær, 19:15 Tvíhliða samskipti Íslands og Svíþjóðar, norræn samvinna, Brexit og öryggismál voru meðal umræðuefna á fundi Guðlaugs Þórs Þórðarsonar, utanríkisráðherra, og Margot Wallström, utanríkisráðherra Svíþjóðar. Meira »

„Eldurinn“ var maður að grilla

Í gær, 18:45 Slökkviliðið á höfuðborgarsvæðinu var kallað út á sjöunda tímanum vegna þess að íbúi við Hamraborg í Kópavogi hélt að það væri kviknað í hjá nágranna hans. Við komuna á staðinn komst slökkviliðið að því að „eldurinn“ var maður að grilla. Meira »

Hulunni svipt af hinsegin huldukonum

Í gær, 18:40 Sagnfræðingarnir Íris Ellenberger og Hafdís Erla Hafsteinsdóttir ásamt Ástu Kristínu Benediktsdóttur, íslensku- og bókmenntafræðingi, standa fyrir heimildasöfnunar- og miðlunarverkefninu Hinsegin huldukonur. Meira »

Sveigja á milli hraðahindrana

Í gær, 18:25 Hraðahindranir í borginni hafa lengi verið umdeildar. Ein tegundin er lítið notuð í öðrum sveitarfélögum er hönnuð og framleidd hér á landi og er ætlað að vernda fjöðrun strætisvagna fyrir álagi. Hönnunin veldur því að bílstjórar sveigja á milli hindrana sem eykur ekki öryggi að sögn sérfræðings. Meira »

WOW ekki bótaskylt vegna fugls

Í gær, 17:13 Samgöngustofa hefur hafnað bótakröfu farþega sem átti bókað flug með WOW air frá Barcelona til Keflavíkur í ágúst á síðasta ári. Fluginu var aflýst vegna vélarbilunar þar sem fugl fór inn í hreyfil flugvélarinnar í flugtaki. Meira »

Borgin og Rauði krossinn styrkja Vin

Í gær, 16:28 Reykjavíkurborg og Rauði krossinn hafa gert samning um að borgin greiði 47 milljónir til starfsemi Vinjar og tryggi þannig athvarf, fræðslu- og batasetur fyrir fólk með geðfötlun. Kostnaður við þjónustu er 42 milljónir króna og fimm milljónir eru vegna húsnæðiskostnaðar. Meira »

Þurfa að meta áhættu og viðbúnað

Í gær, 17:45 Landspítalinn hefur ekki ákveðið hvort keypt verða ný tæki eða tekið ákvörðun varðandi annan viðbúnað ef starfsfólk spítalans þarf aftur að sjóða neysluvatn vegna aukinna jarðvegsgerla. Meira »

„Ég er algjörlega kominn á botninn“

Í gær, 17:04 Jóhannesi Baldurssyni, fyrrverandi framkvæmdastjóra markaðsviðskipta hjá Glitni, er gefið að sök að hafa lagt á ráðin um markaðsmisnotkun bankans, en fyrir dómi í dag sagði hann það ekki vera rétt. Meira »

Verklagsreglum ekki verið fylgt

Í gær, 15:44 „Málið er litið alvarlegum augum,“ sagði Sigríður Björk Guðjónsdóttir, lögreglustjóri höfuðborgarsvæðisins, á fundi allsherjar- og menntamálanefndar Alþingis í dag um muni sem haldlagðir voru í rannsókn lögreglunnar á skemmtistaðnum Strawberries árið 2013 en hafa ekki fundist í fórum hennar. Meira »

Börnin sem kerfið gleymdi

Ford Transit árg 2007 9 manna
Ford Transit, 8 farþega. árgerð 2007 ek. 337.000 km. Hentar einnig sem leigubíl...
Reykskynjarar hafa bjargað mannslífum
Reykskynjarinn með 10 ára rafhlöðu kominn aftur, Minnsti skynjarinn á markaðinum...
Gisting Akureyri Geldingsá
3ja herbergja neðri hæð , 7 km. frá Akureyri.. Umbúin 5 rúm m/handkl. Verð o...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...
 
Skattadagurinn
Fundir - mannfagnaðir
SKATTADAGUR FLE Ráðstefna um skattam...
Félagsstarf
Staður og stund
Aflagrandi 40 Opin vinnustofa kl 9 og ka...
Skrifstofuherbergi til leigu
Atvinnuhúsnæði
Skrifstofuherbergi til leigu Til leigu...
Byggðakvóti
Tilkynningar
Auglýsing vegna úthlutunar byggða...