Sýkna það eina í stöðunni fyrir Hæstarétt

Stefán Már Stefánsson lagaprófessor, segir stöðu Guðmundar- og Geirfinnsmálanna flókna ...
Stefán Már Stefánsson lagaprófessor, segir stöðu Guðmundar- og Geirfinnsmálanna flókna en áhugaverða frá lagalegu sjónarhorni. Málið sé allt sorgarsaga. mbl.is/Ásdís Ásgeirsdóttir

Stefán Már Stefánsson, lagaprófessor við Háskóla Íslands, segist ekki sjá neitt annað í stöðunni en að Hæstiréttur sýkni fimmmenningana sem sakfelldir voru í Guðmundar- og Geirfinnsmálinu fyrir 38 árum, fallist hann á skilyrði endurupptöku málanna.

Endurupptökunefnd samþykkti á síðasta ári beiðnir fimm manna sem sakfelldir voru fyrir aðild að málunum tveimur um að þau yrðu tekin upp að nýju. Í greinargerð setts saksóknara sem skilað var til Hæstaréttar í gær krefst hann svo sýknu byggða á rökum endurupptökunefndarinnar.

Staðan er því sú að engin meiriháttar ágreiningur er á milli ákæruvaldsins og verjenda fólksins og því vakna spurningar um hvort að flytja þurfi málið yfir höfuð.

Stjórnvald en ekki dómsstól

Stefán Már segir að áður en málið komist til efnislegrar meðferðar að nýju þurfi Hæstiréttur fyrst að athuga hvort að skilyrði endurupptökunefndar séu fyrir hendi. „Þetta er stjórnvald en ekki dómsstóll og því á Hæstiréttur síðasta orðið um það hvort skilyrði endurupptökunnar hafi verið fyrir hendi,“ segir Stefán Már í samtali við mbl.is.

Verði það metið svo að skilyrðin séu fyrir hendi segist Stefán ekki sjá aðra atburðarás fyrir sér en að Hæstiréttur fallist á sýknu ef lagt er til grundvallar að bæði saksóknari og verjendur muni krefjast hennar.

Engin fyllilega sambærileg mál hafa átt sér stað í fortíðinni. Fordæmi er fyrir því að Hæstiréttur hafi ekki fallist á skilyrði nefndarinnar um endurupptöku máls en í því tilviki hafði ákæruvaldið mótmælt niðurstöðunni. Annað er uppi á teningnum nú þar sem settur saksóknari, þ.e. fulltrúi ákæruvaldsins, krefst sýknu byggða á rökum endurupptökunefndar.

Nokkur dómsmál hafa verið endurupptekin í gegnum tíðina en áður en endurupptökunefnd var stofnuð árið 2013 hafi það verið Hæstaréttar sjálfs að ákveða slíkt. „Þá var það Hæstiréttur sjálfur sem skar úr um hvort skilyrði endurupptöku væru fyrir hendi og því kom vitanlega engin endurskoðun á þeim ákvörðunum við endurflutning málsins,“ segir Stefán „Nú er komin hreyfing á það að breyta þessari endurupptökunefnd í endurupptökudómstól. Hjá þeim dómstóli myndi þá endanleg ákvörðun liggja um skilyrði endurupptöku.“

Stefán man ekki til þess að saksóknari hafi farið fram á sýknu í enduruppteknum málum. „Það myndi ég halda að væri fordæmalaust.“

Fallist Hæstiréttur á skilyrði endurupptökunnar, verður málið flutt fyrir Hæstarétti?

„Það verður ákvörðun réttarins,“ segir Stefán. „Ef enginn ágreiningur er, þá þarf nú ekki langt mál um það. Ef það er krafist sýknu af öllum aðilum þá er málið pínulítið tómt til flutnings. En Hæstiréttur getur alltaf ákveðið málflutning og beint einhverjum spurningum til málsaðila.“

En gæti Hæstiréttur komist að einhverri annarri niðurstöðu en að sýkna?

„Hann gæti væntanlega komist að þeirri niðurstöðu að skilyrði endurupptökunnar séu ekki fyrir hendi og þá mun gamli dómurinn einfaldlega standa. En ef þau eru fyrir hendi að mati dómsins þá verða kröfur saksóknarans og verjenda teknar til greina þannig að niðurstaðan í því yrði aldrei önnur en sýkna. Ég held að annað komi ekki til álita.“

Stefán segir að staða málsins nú sé nokkuð flókin en áhugaverð frá lagalegu sjónarhorni séð. „En þetta er auðvitað hrikaleg sorgarsaga, bæði fyrir þá sem hlut eiga að máli, réttarfarið og kannski réttarríkið líka.“

Davíð Þór Björgvinsson, saksóknari í Geirfinnsmálinu, skilaði öllu gögnum málsins ...
Davíð Þór Björgvinsson, saksóknari í Geirfinnsmálinu, skilaði öllu gögnum málsins til Hæstaréttar nýverið. Gögnin fylla fleiri kassa. Hann hefur nú skilað greinargerð sinni og krefst sýknu. mbl.is/Kristinn Magnússon

Viðeigandi að hafa málflutning

Allra næsta skref í málinu er það að nú fá verjendur fimmmenninganna frest til að skila sínum greinargerðum til Hæstaréttar. Líklegt er að sá frestur verði um fjórar vikur.

Davíð Már Björgvinsson, settur saksóknari í Guðmundar- og Geirfinnsmálinu, segir það ekki sitt að ákveða hvort að málflutningur muni fara fram í Hæstarétti. Hann sé hins vegar tilbúinn til þess. „Persónulega þætti mér það ekki óviðeigandi með tilliti til umfangs og stærð þessa máls. En þetta er ekki mín ákvörðun. það er Hæstiréttur sem verður að svara þessu sjálfur.“

En þó málflutnings gerist ekki þörf er eitt víst: Samkvæmt lögum þarf Hæstiréttur að kveða upp nýjan dóm.

mbl.is

Innlent »

Þriggja bíla árekstur á Reykjanesbraut

Í gær, 23:49 Þriggja bíla árekstur varð á Reykjanesbrautinni á tíunda tímanum í kvöld. Atvikið átti sér stað á Reykjanesbrautinni í nágrenni við Vífilsstaðavatn en mikil hálka var á veginum og blint af völdum snjókomu. Meira »

Brynjólfur handhafi Ljóðstafsins

Í gær, 23:44 Ljóðstafur Jóns úr Vör var afhentur í 17. sinn við hátíðlega athöfn í Salnum í kvöld. Alls bárust 302 ljóð í keppnina og er Brynjólfur Þorsteinsson handhafi Ljóðstafsins þetta árið. Meira »

Toyota innkallar 2.245 bíla vegna loftpúða

Í gær, 22:12 Neytendastofu hefur borist tilkynning frá Toyota á Íslandi um að innkalla þurfi Toyota bifreiðar af árgerðunum 2003 til 2008 og 2015 og 2018. Um er að ræða 2.245 bifreiðar. Ástæða innköllunarinnar er sú að loftpúðar bifreiðanna gætu verið gallaðir. Meira »

Stórfelld fíkniefnasala á Facebook

Í gær, 22:00 Stórfelld sala á fíkniefnum fer fram í íslenskum söluhópum á Facebook. Þetta kemur fram í samnorrænni rannsókn á fíkniefnasölu á netinu sem Helgi Gunnlaugsson, prófessor í félagsfræði við Háskóla Íslands, hefur tekið þátt í. Meira »

„Fráleitt að halda þessu fram“

Í gær, 21:00 Sigurður Pétursson, framkvæmdastjóri viðskiptaþróunar fiskeldisfyrirtækisins Arctic Fish, segir að fullyrðingar sem settar séu fram í stefnu á hendur fyrirtækinu séu alrangar. Meira »

Krefjandi aðstæður í fjallahlaupi í Hong Kong

Í gær, 20:15 Átta Íslendingar tóku þátt í hundrað kílómetra fjallahlaupinu Hong Kong 100 Ultra, sem lauk um helgina og luku fimm þeirra keppni. Meira »

Kynna nýtt skipulag Héðinsreits

Í gær, 19:30 Allt að 330 íbúðir og 230 hótelherbergi eða hótelíbúðir verða á svokölluðum Héðinsreit í miðborg Reykjavíkur, samkvæmt nýrri deiliskipulagstillögu sem er á leið í kynningu. Borgarráð Reykjavíkur samþykkti að auglýsa skipulagið á fundi sínum í síðustu viku. Meira »

Leggja fram frumvarp að nýrri stjórnarskrá

Í gær, 19:00 Þingflokkur Pírata hefur lagt fram frumvarp að nýrri stjórnarskrá, sem byggir á frumvarpi stjórnlagaráðs og þeirri vinnu sem Alþingi fór í í kjölfarið. Er þetta í fyrsta skiptið sem slíkt frumvarp er lagt fram, að því er fram kemur í fréttatilkynningu frá Pírötum. Meira »

Skuldir lækkað um 660 milljarða frá 2013

Í gær, 18:25 Frá miðju ári 2017 til miðs árs 2018 lækkuðu skuldir ríkissjóðs um 90 milljarða og frá ársbyrjun 2013 hafa skuldir ríkissjóðs verið greiddar niður um 660 milljarða. Á þetta bendir Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra. Meira »

Borgin í vetrarbúning

Í gær, 18:10 Það hefur snjóað mikið á höfuðborgarsvæðinu undanfarið og í morgun var færðin þung. Þetta kallar á viðbrögð borgarbúa sem sumir nýttu tækifærið og fóru á gönguskíðum í búðina á meðan aðrir lentu í vandræðum og reyndu m.a. að bakka bíl sínum upp brekku í ófærðinni. mbl.is var á ferðinni í vetrarríkinu. Meira »

Héngu á skrifstofu karlkyns yfirmanna

Í gær, 17:54 Seðlabanki Íslands hafði til hliðsjónar stefnu í jafnréttismálum og stefnu gegn áreitni og einelti, og þar á meðal ákvæði um að taka beri tillit til til ábendinga um truflandi atriði í starfsumhverfi, við ákvörðun sem tekin var um að fjarlægja málverk af skrifstofu í húsnæði bankans og setja í geymslu. Meira »

Segir stefnu í heilbrigðismálum marxíska

Í gær, 17:17 Sigmundur Davíð Gunnlaugsson segir að jafnt og þétt komi betur í ljós að núverandi ríkisstjórn Vinstri grænna, Sjálfstæðisflokksins og Framsóknarflokks sé í raun og veru tilgangslaus ríkisstjórn sem snúist aðeins um að halda sjó og stólum. Meira »

Tveir flutningabílar út af á Holtavörðuheiði

Í gær, 17:14 Tveir flutningabílar hafa farið út af á Holtavörðuheiðinni sl. sólarhring og valt annar bíllinn á hliðina. Mikil hálka er nú á heiðinni og eru ökumenn hvattir til að fara varlega. Meira »

Fengu erindi um mál Ágústs Ólafs

Í gær, 16:33 Erindi hefur borist til forsætisnefndar Alþingis þess efnis að vísa skuli máli Ágústs Ólafs Ágústssonar þingmanns Samfylkingarinnar til siðanefndar Alþingis, rétt eins og máli þingmannanna sex sem sátu að sumbli á barnum Klaustri í nóvember. Meira »

Mikilvægt að viðhalda árangrinum

Í gær, 16:31 Mikilvægt er að viðhalda árangrinum sem náðst hefur með þriggja ára meðferðarátaki heilbrigðisyfirvalda gegn lifrarbólgu C. Þetta sagði Svandís Svavarsdóttir heilbrigðisráðherra í ávarpi sínu á læknadögum sem nú standa yfir í Hörpu. Meira »

Rúta fór út af við Reynisfjall

Í gær, 16:21 Rúta fór út af þjóðvegi 1 norðan við Reynisfjall síðdegis í dag. Engan sakaði.  Meira »

Umferðartafir vegna tveggja óhappa

Í gær, 16:17 Talsverðar umferðartafir hafa orðið vegna tveggja umferðarslysa á Kringlumýrabraut á fjórða tímanum. Samkvæmt upplýsingum frá slökkviliðinu á höfuðborgarsvæðinu voru samtals sex fluttir á slysadeild. Meira »

Kynna tillögur í húsnæðismálum á morgun

Í gær, 15:46 Katrín Jakobsdóttir forsætisráðherra hóf almennar stjórnmálaumræður á Alþingi þegar þingið kom aftur saman eftir jólafrí. Forystumenn stjórnamálaflokkanna taka þátt í umræðunum. Katrín fjallaði í ræðu sinni um stöðuna á vinnumarkaði og endurskoðun stjórnarskrár. Meira »

Blöskrar fjarlæging málverksins

Í gær, 15:39 Ákveðið var að fjarlægja nektarmálverk eftir Gunnlaug Blöndal úr bankanum þar sem það fór fyrir brjóstið á starfsmanni bankans. „Það er álíka fráleitt að fjarlægja listaverk eins stórkostlegasta málara 20. aldarinnar, Gunnlaugs Blöndal, af vegg í opinberri stofnun eins og að brenna bækur eða fjargviðrast út af fyrirlesara á frjálsum markaði.” Meira »
Húsaviðgerðir
https://www.husco.is...
fágætar bækur til sölu
til lsölu nokkrar fágætar bækur Sjálfstætt fólk 1-2 Sneglu-Halli eftir Símon...
Einn sá öflugasti
JAKINN Einn sá öflugasti og verklegasti Ford 7,3 Power Stroke, Skráður frá framl...
Til leigu góður bílskúr með millilofti.
Góður 23.5 fm bílskúr við Háaleitisbraut - heitt/kalt vatn, milliloft - rafmagn...