Landsréttur felldi í dag úr gildi gæsluvarðhaldsúrskurð yfir manni sem grunaður er um aðild að inn­flutn­ingi fíkni­efna í send­ingu sem merkt var Skák­sam­bandi Íslands. Þetta staðfestir Margeir Sveinsson, aðstoðaryfirlögregluþjónn á höfuðborgarsvæðinu, í samtali við mbl.is.

Alls hafa fjórir menn setið í gæsluvarðhaldi í tengslum við rannsókn málsins. Tveimur þeirra var sleppt er nokkuð var liðið á rannsóknina og sá þriðji var látinn laus í dag.

Áður hefur verið greint frá því að Sig­urður Krist­ins­son, eig­inmaður Sunnu El­viru Þor­kels­dótt­ur sem hef­ur legið lömuð á sjúkra­húsi í Malaga und­an­far­in mánuð, hefði verið handtekinn við komuna til Íslands grunaður um aðild að málinu. Var hann úr­sk­urðaður í fjög­urra vikna gæslu­v­arðhald á grund­velli al­manna­hags­muna 7. fe­brú­ar í tengslum við rannsókn málsins.

Frétt af mbl.is

Eiginmaður Sunnu hlaut uppreist æru

Margeir segist ekki gefa upp hver það sé sem enn sæti gæsluvarðhaldi vegna málsins, en segir þó að gæsluvarðhald yfir þeim einstaklingi renni út þann 7. mars.

Spurður hvernig rannsókn gangi segir hann málinu miða áfram. „Við erum núna að bíða að okkur berist gögn vegna rannsóknarinnar að utan og svo tökum við stöðuna eftir það,“ segir Margeir.

Frétt af mbl.is

3 í haldi eftir sendingu á Skáksambandið

Tengdar fréttir

Skáksambandsmálið

Dómur Sigurðar mildaður í Landsrétti

• Ákærð fyrir meiriháttar skattalagabrot
• Sigurður í farbanni þar til dómur fellur
• Hætta talin á að Sigurður færi úr landi
• Sigurður fékk fjögurra og hálfs árs dóm

» Fleiri tengdar fréttir

• Blogga um frétt