Katrín Sif Sigurgeirsdóttir, formaður samninganefndar ljósmæðra, kveðst bjartsýn fyrir vinnufund í kjaradeilu ljósmæðra á morgun. Næsti formlegi fundur með allri samninganefnd ríkisins er síðan á miðvikudag.
Málinu var vísað til ríkissáttasemjara 5. febrúar síðastliðinn og hefur lítið þokast áfram í viðræðum deiluaðila þangað til eitthvað virðist hafa rofað til í síðustu viku.
Samninganefnd ljósmæðra hittist á föstudag þar sem farið var yfir málin.
„Það er farið myndast samtal og það er kominn einhver samningsvilji,“ segir Katrín sem segir að það sé lítið hægt að gera annað en að vona það besta.
„Ég krossa bara fingur og vona það besta.“