Sérfræðingur Veðurstofu Íslands segir það óvíst hvað olli grjótskriðunni úr Fagraskógarfjalli við Hítardalsvelli við Hítará á Mýrum. Líklegast mun það taka nokkra daga fyrir Veðurstofu og Landhelgisgæsluna að vinna úr þeim upplýsingum sem safnað var í dag.
Afleiðingar skriðunnar verða helst breytt landslag í dalnum og stíflun Hítarár sem getur haft áhrif á laxveiði neðar í ánni. Koma þarf í ljós hvert áin brýtur sér leið en samkvæmt sérfræðingi Veðurstofu er líklegt að áin fari í hraunið austanmegin við hana.