Sex þingmenn Miðflokksins sem fjallað er um í áliti siðanefnd­ar um Klaust­urs­málið hafa frest til 2. apríl til að bregðast við álitinu. Álitið lýtur að ummælum sex þingmanna á veitingastofunni Klaustur bar 20. nóvember 2018 og mögulegu broti þeirra á siðareglum fyrir alþingismenn.

Frétt af mbl.is

Ekki einkasamtal á Klaustri

Álitið var birt fyrir mistök á vef Alþingis í gærkvöldi og var tekið út af vef Alþingis skömmu síðar. Nú hefur það aftur verið birt í heild sinni. Í áliti nefnd­ar­inn­ar sem Stein­unn Þóra Árnadóttir og Har­ald­ur Bene­dikts­son, sem bæði gegna hlut­verki vara­for­seta á Alþingi, kölluðu eft­ir kem­ur m.a. fram að sam­talið sem átti sér stað á barn­um Klaustri 20. nóv­em­ber milli sex þing­manna, og náðist á upp­töku, geti ekki tal­ist einka­sam­tal.

Þing­menn Miðflokks­ins gagn­rýndu birt­ing­una harðlega og segja hana ganga gegn stjórn­sýslu­lög­um en álitið var birt kl. 19, sex mín­út­um seinna en Stein­unni barst póst­ur­ þar sem þess var óskað að birt­ingu álits­ins yrði frestað.

Frétt af mbl.is

Segja birtingu álits siðanefndar fráleita

Frétt af mbl.is

Fékk póstinn of seint

Á vef Alþingis kemur fram að forsætisnefnd, skipuð 7. og 8. varaforseta, taki ákvörðun um frekara framhald málsins. Fjórir þingmenn Miðflokksins sögðu í yfirlýsingu í gærkvöldi að fyr­ir liggi „nýj­ar og veiga­mikl­ar upp­lýs­ing­ar sem sýna að mat siðanefnd­ar­inn­ar væri byggt á röng­um for­send­um“. Ekki liggur fyrir hvað felst í þessum upplýsingum.

Á vef Alþingis er jafnframt greint frá því að nefndarmenn í siðanefnd munu ekki gefa kost á viðtölum við fjölmiðla um það sem fram kemur í álitinu.

Tengdar fréttir

Klaustursmálið

„Hann var fríaður af öllum áburði“

• „Þetta var ekkert smá“
• Gagnrýnir skipun Karls Gauta
• Klaustur bar breytir um nafn
• Klausturmálið „birtingarmynd öfgahægris“

» Fleiri tengdar fréttir

• Blogga um frétt