Ámælisvert að Sundabraut skuli ekki hafa verið byggð

Ásgeir Jónsson, seðlabankastjóri.
Ásgeir Jónsson, seðlabankastjóri. mbl.is/Kristinn Magnússon

„Mér finnst alveg stórundarlegt og ámælisvert að Sundabraut hafi ekki verið byggð miðað við þá umferð sem er í bænum.“

Þetta sagði Ásgeir Jónsson seðlabankastjóri á opnum fjarfundi efnahags- og viðskiptanefndar um skýrslu peningastefnunefndrar Seðlabanka Íslands til Alþingis í dag.

Á fundinum spurði Smári McCarthy þingmaður Pírata um fjárfestingar í samgöngumálum í ljósi samdráttar vegna kórónuveirufaraldursins.

Ásgeir segir að vandinn við margar innviðafjárfestingar, líkt og Sundabraut, sé tæknilegur en ekki peningalegur og felist að miklu leyti í þeim tíma sem taki að undirbúa slíkar framkvæmdir.

„Við getum hæglega fjármagnað þetta,“ segir seðlabankastjóri um Sundabraut.

Hugmyndir um Sundabraut.
Hugmyndir um Sundabraut.
mbl.is