Tekið á móti veikum og slösuðum böngsum í dag
Setja bókamerki
Bangsaspítalinn stendur yfir í dag á þremur heilsugæslustöðvum á höfuðborgarsvæðinu og er öllum börnum, ásamt foreldrum/forráðamönnum, boðið að koma í heimsókn með veika eða slasaða bangsa.
Tilgangur verkefnisins er tvíþættur: Annars vegar til að fyrirbyggja hræðslu hjá börnum við lækna og heilbrigðisstarfsfólk og hins vegar að gefa læknanemum á yngri árum tækifæri til að æfa samskipti við börn og aðstandendur.
Heimsóknin fer þannig fram að hvert barn kemur með sinn eigin bangsa á heilsugæsluna í Efstaleiti, Höfða eða Sólvangi.
Gott er að ræða fyrirfram við barnið um það hvernig bangsinn er veikur (hvort hann sé t.d. með hálsbólgu, magapest eða brotinn fót). Þegar á heilsugæsluna er komið fær barnið að innrita bangsann og að því loknu kemur bangsalæknir og vísar barninu inn á læknastofu þar sem læknirinn skoðar bangsann og veitir honum þá aðhlynningu sem hann þarf á að halda.
Bangsaspítalinn er opinn til klukkan 16 í dag.
Hér má sjá frekari upplýsingar um viðburðinn.
Teygir sig suður fyrir Hagafell og gæti stækkað
„Nú er spurning hvað kvikan nái að gera“
Rautt hættumat í Svartsengi
Rennur í átt að stofnlögnum: Rafmagn tekið af
Rekstur flugvallarins með „hefðbundnum hætti“
Hraun rennur að varnargörðunum við mastrið
Viðvörunarflautur ómuðu í miðri afhendingu
/frimg/1/45/84/1458405.jpg)
82 sagt upp störfum hjá Icelandair í dag