„Veðuraðgerðastjórn á Keflavíkurflugvelli var kölluð saman til fundar klukkan 20 í gærkvöldi. Þar var farið yfir veðurspána á vellinum fyrir daginn í dag með fulltrúum flugfélaga og þjónustufyrirtækja sem starfa á flugvellinum,“ segir Guðjón Helgason, upplýsingafulltrúi Isavia, í samtali við mbl.is.

Segir Guðjón meðal annars hafa verið farið yfir vindaspá nú eftir hádegið í dag. Væri því spáð að mjög bætti þá í vind enda gul viðvörun í gildi á svæðinu fram á morgun.

Frétt af mbl.is

Icelandair og Play aflýsa öllu morgunflugi

„Veðuraðgerðastjórnin kemur saman í hvert einasta skipti sem spáin er þess eðlis að það sé útlit fyrir að veðrið hafi mikil áhrif á þjónustuna á Keflavíkurflugvelli. Flugfélögin og þjónustuaðilarnir eru upplýstir og flugfélögin taka síðan ákvarðanir um framhaldið,“ segir Guðjón enn fremur.

Guðjón Helgason, upplýsingafulltrúi Isavia, segir fyrirtækið hvetja farþega til að fylgjast með fréttum og veðurspám auk frétta af færð á vegum. Ljósmynd/Isavia

Farþegar beðnir að fylgjast með fréttum og spám

Hann segir vellinum ekki lokað þótt vissulega geti skapast aðstæður sem hafi í för með sér erfiðleika við að þjónusta flugvélar. „Við biðjum því farþega að fylgjast vel með fréttum og veðurspám og skoða upplýsingar á vefsíðu Keflavíkurflugvallar. Flugfélögin uppfæra sína flugáætlun á vef okkar. Þá er einnig hægt að leita nýjustu upplýsinga hjá flugfélögunum,“ heldur Guðjón áfram.

 Hann segir farþega einnig hvatta til að fylgjast vel með fréttum af færð á vegum. Erfið færð á Reykjanesi geti haft áhrif á ferðir farþega og starfsfólks á flugvellinum til og frá svæðinu.

Tengdar fréttir

Frost á Fróni

Kaldasti vetur aldarinnar

• Viðvaranir gætu verið í gildi fram á miðvikudag
• Snjólögin veik um þessar mundir
• Snjóflóð fallið og varað við frekari hættu
• Óvenju löng kuldatíð í Skagafirði

» Fleiri tengdar fréttir

• Blogga um frétt