5.000 manna byggð við Hlíðarenda

„Raunar má segja að það sé umfram væntingar hversu mörg rými eru þegar komin í notkun þrátt fyrir að svæðið sé enn þá í miklum uppbyggingarham með tilheyrandi raski,“ segir Óli Örn.

Auðu rýmin vandamál

Tilefnið eru þau ummæli Helga Áss Grétarssonar, varaborgarfulltrúa Sjálfstæðisflokksins, í Morgunblaðinu í fyrradag, að heimila þurfi fjölbreyttari notkun atvinnurýma á jarðhæðum við Hlíðarenda og á öðrum þéttingarreitum í borginni. Til dæmis vitni fjöldi auðra rýma á Hlíðarenda um að núverandi áhersla á verslun og þjónustu hafi ekki borið tilætlaðan árangur.

Með því vísaði Helgi Áss til atvinnurýma á jarðhæðum reita B-F við Hlíðarenda en þau rými eru einkum við Hlíðarfót, gegnt Loftleiðum, og við Arnarhlíð, sem tekur við af Nauthólsvegi. Nokkur fyrirtæki hafa hafið þar starfsemi.

Þjóðbraut í Vatnsmýri

Óli Örn segir aðspurður að við skipulagningu þessara atvinnurýma sé ekki síst horft til þess að borgarlína eigi að liggja um Snorrabraut og svo áfram inn í Vatnsmýrina um Arnarhlíð og þaðan á Kársnesið. Með því breytist Arnarhlíðin úr því að vera fáfarin íbúðagata í þjóðbraut. Með þetta í huga séu nokkrar götur á Hlíðarenda skipulagðar sem borgargötur.

Þá beri að horfa til þess að á næstu skipulagsreitum séu ekki gerðar sömu kröfur um hlutfall atvinnurýma og gert var á reitum B-F (sjá graf). Jafnframt sé uppbyggingu við Hlíðarenda hvergi nærri lokið en fullbyggt muni hverfið rúma fimm þúsund íbúa, eða um þrefalt fleiri en nú.

Nánar má lesa um málið í Morgunblaðinu.