Einstaklingar, einyrkjar og fyrirtæki í Grindavík fá að fara inn í bæinn í dag í verðmætabjörgun frá klukkan 9 til 15.

Frá og með deginum í dag er aftur farið í fyrra útgefið skipulag þar sem aðgengi að bænum verður með þeim hætti að íbúar fá fyrir fram skilgreindan dag til að fara til Grindavíkur í lengri tíma en áður.

Frétt af mbl.is

„Einhverjir taka allt“

Þetta kemur fram í tilkynningu frá almannavörnum en þar segir að eins og áður hefur komið fram þá var skipulagi breytt í framhaldi af uppfærðu hættumatskorti Veðurstofunnar þar sem fram kom að líkurnar á kvikuhlaupi og eldgosi hafi aukist.

Aðkoma að Grindavík næstu daga verður bæði um Suðurstrandarveg og Nesveg en þegar ekið er frá Grindavík verður það um Norðurljósaveg inn á Grindavíkurveg. Á lokunarpóstum verður starfsfólk sem skannar QR-kóðann hjá öllum sem fara inn í bæinn, en með þeim hætti er vitað hvað margir eru í Grindavík hverju sinni.

Skipulagið í dag er með þessum hætti:

Öryggiskort Grindavíkur.

Tengdar fréttir

Eldvirkni á Reykjanesskaga

Dregið úr skjálftavirkni

• Greina breytingar á skjálftavirkni
• Veðurstofan í biðstöðu
• Áframhaldandi skjálftavirkni við Svartsengi
• Rólegt á vakt Veðurstofunnar

» Fleiri tengdar fréttir

• Blogga um frétt