Björgunarsveitir í Hveragerði, Selfossi og Eyrarbakka sóttu slasaðan knapa sem datt af hestbaki stutt frá Maradal, norðan við Hengilinn.
Knapinn var meiddur á öxl og var komið í sjúkrabíl en aðgerðum björgunarsveita lauk rétt fyrir klukkan 17, að sögn Jóns Þórs Víglundssonar, upplýsingafulltrúa Landsbjargar.
Ekki þurfti að kalla til aðstoðar þyrlusveitar Landhelgisgæslunnar.