Logi Einarsson, formaður Samfylkingarinnar, segir það mjög umhugsunarvert ef sú staða er uppi í lengri tíma að félagshyggjuflokkarnir verða áfram sitt hvorum megin við víglínuna í íslenskum stjórnmálum.
„Varðandi þessa miðju-vinstri flokka sem vilja ráðast í einhvers konar kerfisbreytingar þá verða þeir líka að setjast niður og skoða hvort þeir þurfi að fara í eitthvað nýtt leikskipulag,” sagði Logi í Silfrinu á RÚV.
Hann bætti því við að miðað við niðurstöðu kosninganna sé ekkert annað í spilunum fyrir Samfylkinguna í augnablikinu en að búa sig undir kosningarnar eftir fjögur ár.