Fáránlega góð föstudagssteik

Þessi réttur er ómótstæðilega bragðgóður.
Þessi réttur er ómótstæðilega bragðgóður. mbl.is/Ethan Calabrese

Það kannast eflaust margir við það að finnast þeir alltaf vera með það sama í matinn. Hver vikan á eftir annari er eins og sífelld endurtekning. Við þráum að prófa nýjar uppskriftir sem taka þó ekki allan heimsins tíma og gefa manni nýtt bragð í bankann. Hér er stórgóður réttur sem verður að prófast með brokkolí og ljúffengri flankasteik.

Fáránlega góð föstudagssteik

  • ½ bolli kjúklingasoð
  • ⅓ bolli sojasósa
  • ¼ bolli púðursykur
  • 2 hvítlauksrif, smátt skorin
  • Safi úr einni lime
  • 500 g flanksteik
  • 1 msk. sesamolía
  • 1 brokkolíhaus
  • Sjávarsalt
  • Pipar
  • Sesamfræ
  • Hrísgrjón

Aðferð:

  1. Blandið saman í skál kjúklingasoði, sojasósu, púðursykri, hvítlauk og safa úr lime.
  2. Hitið stóra pönnu. Nuddið kjötinu upp úr olíu og setjið á pönnuna í 3 mínútur á hvorri hlið. Takið þá af pönnunni og skerið í sneiðar.
  3. Setjið blönduna úr skálinni út á pönnuna og lækkið aðeins undir hitanum. Bætið brokkolí út á pönnuna og því næst kjötinu – leyfið að malla í sósunni. Saltið og piprið. Leyfið réttinum að eldast á pönnunni í 8-10 mínútur eða þar til brokkolíið og kjötið er tilbúið.
  4. Stráið sesamfræjum yfir og berið fram með hrísgrjónum.
mbl.is