Þeir Albert Eiríksson og Bergþór Pálsson eru með skemmtilegri veislustjórum sem hægt er að ráða til sín, þá ekki síst á kvenfélagsfundi þar sem þeir bókstaflega fara á kostum.
Albert er duglegur að deila uppskriftum að réttum sem boðið er upp á á slíkum samkomum og hér er ein sem hann var sérstaklega ánægður með.
Að sögn Alberts getur rétturinn staðið einn sem aðalréttur en sú sem heiðurinn á að réttinum er Marlín sem rekur gistihúsið Hjá Marlín á Reyðarfirði.
Matarbloggið hans Alberts er hægt að nálgast HÉR.
Mjög góður fiskréttur í formi
- 200-300 g soðinn eða steiktur fiskur án roðs og beina
- 1 dl rjómi
- 1 sítróna
- 100 g hreinsaðar rækjur
- 100 g smjör
- 1 smálaukur
- 1-2 hvítlauksgeirar
- 1 steinseljuknippi
- 2 sneiðar franskbrauð
- salt, pipar, sitrónupipar
Aðferð:
- Látið fiskinn (eða surimi) og rækjur í eldfast mót.
- Setjið léttþeyttan rjóma bragðbættan með sítrónusafa, salt, pipar og sítrónupípar ofan á.
- Hrærið rifinn eða fínsaxaðan lauk, marinn hvítlauk, finskorna steinselju og mulið skorpulaust brauð út í mjúkt smjör.
- Dreifið því yfir rækjurnar.
- Setjið í ofn og hitið í gegn á 225°C (10-15 mín.)
Albert og eiginmaður hans, Bergþór Pálsson, ásamt Kvenfélagi Reyðarfjarðar.