Snjallasta leiðin til að þrífa salernið

mbl.is/Duravit

Hér er aðferð til að þrífa klósettið á áhrifaríkan hátt og þú munt ekki notast við neitt annað eftir þetta, því skálin mun haldast tandurhrein og það drepur niður vonda lykt.

Ef þú vilt komast undan að þrífa póstulínsdolluna á tveggja daga fresti skaltu prófa þessa aðferð hér:

  • Sprautaðu hvítu ediki í klósettskálina og í klósettkassann ef salernið er ekki innbyggt  skrúbbaðu síðan skálina með bursta.
  • Bleyttu eldhúspappír með ediki og settu undir karminn í skálinni. Láttu standa í 15 mínútur – taktu þá burt og sturtaðu niður – og salernið verður tandurhreint.
  • Ef þú hefur sett edik í klósettkassann, þá mun edikið halda salerninu skínandi hreinu þar sem það skolast með í hvert sinn sem þú sturtar niður.

Frétt mbl.is

mbl.is