Það fer að bresta á með veisluvertíð og hér kemur enn ein sprengjan frá Berglindi Hreiðars á Gotteri.is þar sem hún galdrar fram krönsí rjómaostarúllu sem er klárlega eitthvað sem við megum ekki láta framhjá okkur fara.
Ostabakki og krönsí rjómaostarúlla
Rjómaostarúlla uppskrift
- 300 g rjómaostur með graslauk & lauk frá MS
- 10 beikonsneiðar
- 30 g vorlaukur
- 100 g Orri óðals ostakurl
Aðferð:
- Steikið beikonið þar til það verður stökkt og saxið smátt niður.
- Blandið beikoninu saman við rjómaostinn með skeið, setjið blönduna á plastfilmu og mótið nokkurs konar rúllu/breiða pylsu úr henni.
- Plastið, setjið á disk og geymið í kæli í að minnsta kosti 4 klukkustundir eða yfir nótt.
- Saxið vorlaukinn smátt og myljið ostakurlið aðeins niður, blandið þessu saman á disk.
- Takið næst rjómaostarúlluna úr plastinu og veltið upp úr ostakurlinu, geymið í kæli þar til bera á ostarúlluna fram með góðu kexi eða brauði.
Annað á ostabakka
- Dala hringur
- Grettir ostur
- Óðals Gouda sterkur (skorinn í teninga)
- Kría ostakurl
- Dóri sterki (upprúllaður)
- Hráskinka
- Salami pylsa
- Chili sulta
- Vínber
- Kex
- Hindber
- Bláber
- Lakkrísdöðlur
- Dökkt súkkulaði
Ljósmynd/Berglind Hreiðarsdóttir
Ljósmynd/Berglind Hreiðarsdóttir
Ljósmynd/Berglind Hreiðarsdóttir