Samtök iðnaðarins kynntu nýsköpunarstefnu samtakanna á opnum fundi í Iðnó fyrir skömmu. Fjölmennt var á fundinum og að dagskrá lokinni var boðið upp á léttar veitingar. Ferðamála-, iðnaðar- og nýsköpunarráðherra tók þátt í pallborðsumræðum þar sem rætt var um nýsköpunarumhverfið á Íslandi en á fundinum kom meðal annars fram hvaða umbætur þarf að ráðast í til að ná fram metnaðarfullri framtíðarsýn um að á Íslandi verði skilyrði til nýsköpunar með því besta sem þekkist.

Á meðal gesta á opna fundinum voru Ragnheiður H. Magnúsdóttir sem er ein öflugasta konan í heimi nýsköpunar í dag. Eins mætti nýr framkvæmdastjóri Orku náttúrunnar, Berglind R. Ólafsdóttir, og Jóhann Þór Jónsson frá Advania, sem hefur lagt málefnum, er varða umhverfi gagnavera, til krafta sína. Guðmundur Hafsteinsson hjá Google var á staðnum svo einhverjir séu nefndir.