Sollusjóður er góðgerðarverkefni Sólveigar Eiríksdóttur, eða Sollu Eiríks eins og hún er oft kölluð. Í gær afhenti Lionsklúbburinn Njörður Sollu og Sollusjóði 1,2 milljón króna styrk.

Í Sollusjóð geta íbúar Batahússins sótt styrk til að geta greitt fyrir þjónustu hjá sálfræðingum, fíknifræðingum, fjölskyldufræðingum og öðrum sálmeðferðaraðilum. Einnig er hægt að sækja um styrk til að komast til í sjúkraþjálfun, til tannlæknis eða til að sækja nám eða námskeið. 

Solla hefur í gegnum tíðina unnið mikið og gott starf til að hjálpa öðru fólki í baráttunni við bakkus en sjálf hætti hún að drekka fyrir nokkrum áratugum. 

Frétt af mbl.is

Ætlar ekki að gera neitt nema það hafi „vúhú-faktor“

Hér er Solla fyrir miðju ásamt Tolla og meðlimum Lionsklúbbsins Njarðar.

Solla tók við peningunum í gær á vinnustofu Tolla en í leiðinni fékk Batahúsið 900 þúsund krónur sem söfnuðust þegar Arnar Hauksson og Tolli Morthens fóru á topp Aconcagua í janúar til styrktar Batahússins. 

Batahúsið er einstaklingsmiðað bataúrræði við enda afplánunar þar sem einstaklingum er boðin heimilisaðstaða til allt að tveggja ára eða eftir atvikum til skemmri tíma. Unnið er með einstaklingum á jafningjagrundvelli út frá hugmyndum um áfallamiðaða nálgun. 

Eitt af megin markmiðum Batahúss er að skapa aðstæður þannig að einstaklingur geti beint sjónum sínum frá neyslu og afbrotum og að sjálfsstyrkingu, vinnu, námi og samfélagslegri virkni. Aðstæður eru skapaðar með virðingu og kærleik að leiðarljósi.

Hægt er að styðja við starfsemi Batahúss með  frjálsum framlögum með tvennum hætti. Annars vegar með því að millifæra á Bata góðgerðarfélag sem sér um rekstur Batahússins. Hins vegar er hægt að millifæra í sérstakan Sollusjóð sem er sjálfstæður sjóður stofnaður af Bata góðgerðarfélagi. 
 
Kennitala Sollusjóðs er 630921-1390 og reikningsnúmer er 0537-26-7487

Tengdar fréttir

Framakonur

Laufey heiðruð á forsíðu tískutímarits

• Unnur Birna leggur inn málflutningsréttindi sín
• Heldur sín fyrstu jól heima á ADHD-lyfjum
• Fannst æðislegt að búa í London
• Gerður ætlar að opna nýja kynlífs­tækja­verslun

» Fleiri tengdar fréttir

• Blogga um frétt