Agnar Johnson, eigandi Eirbergs, hefur sett sitt fallega hús í Vesturbænum á sölu. Falleg kirsuberjaviðargólf með fiskibeinamynstri setja svip sinn á stofuna.
Húsið sjálft var byggt 1993 og hefur Agnar búið þar ásamt fjölskyldu sinni í 20 ár. það er 195 fm að stærð og ákaflega vandað.
Stofan er opin og björt og öll hvítmáluð en gólfin setja svip sinn á heildarmyndina. Eins og sést á myndunum er ekkert óþarfa prjál að finna í húsinu og hver einasti hlutur á sinn stað.