Smartland Mörtu Maríu | Heimili og hönnun | mbl | 17.5.2019 | 9:24 | Uppfært 24.3.2020 9:08

Hvernig vilja Íslendingar hafa inni hjá sér?

Íslendingar eru mjög góðir í að gera fallegt í kringum sig hvort sem um fagaðila eða einstaklinga er að ræða. Í Heimili og hönnun, sem fylgir Morgunblaðinu í dag, má sjá nokkur súperlekker heimili.

Hanna Stína blandar saman litríku flaueli með mismunandi áferð. Ljósmynd/Gunnar Sverrisson

Hanna Stína innanhússarkitekt segir að það sé miklu skemmtilegra að fá frjálsar hendur þegar hún hannar fyrir fólk. Í viðtali sýnir hún heimili sem hún hannaði fyrir fjölskyldu þar sem litir, flauel og veggfóður fengu að njóta sín.

Berglind Berndsen og Helga Sigurbjarnardóttir hönnuðu þetta fallega baðherbergi. Ljósmynd/Gunnar Sverrisson

Berglind Berndsen og Helga Sigurbjarnardóttir innanhússarkitektar endurhönnuðu um 120 ára gamalt hús í Hafnarfirði og gættu þess vel að halda í upprunann á nútímalegan hátt. Í blaðinu má sjá heimilið í heild sinni.

Sæja hannaði einbýlishús á Selfossi þar sem kontrastar ráða ríkjum. Ljósmynd/Guðfinna Magg

Sæbjörg Guðjónsdóttir, eða Sæja eins og hún er kölluð, hannaði einbýlishús á Selfossi en húsið var á byggingarstigi þegar hún fékk verkefnið. Dökkar innréttingar og vönduð húsgögn mætast á fallegan hátt án þess að heimilið sé goslaust.

Halla Bára heimsótti Gucci home í Mílanó og segir frá þeirri upplifun í blaðinu. Ljósmynd/Gunnar Sverrisson

Ítalska tískumerkið Gucci nýtur mikilla vinsælda í fatnaði en nú hefur listrænn stjórnandi þess ákveðið að gera eitthvað allt annað og hefur Gucci home fengið mikla upplyftingu. Halla Bára Gestsdóttir innanhússhönnuður segir frá upplifun sinn af Gucci home í Mílanó á Ítalíu.