Eitt það ferskasta á markaðnum í dag er viðarklæðningar. Auðvelt er að festa þær upp enda koma þær í einingum sem hægt er að festa saman án mikils vesens.
Nýlega hóf verslunin Ebson að flytja inn viðarklæðningar frá WoodUpp, sem er danskt hönnunarfyrirtæki. Þessar viðarklæðningar setja heldur betur svip sinn á heimilið og færa það upp á annað plan.
Viðarklæðningarnar koma í sjö litum en inni á milli viðarstrimlanna er þæfð ull. Efnið er því ekki bara fallegt sem klæðning á heimili heldur virkar sem hljóðdempun líka og hefur efnið betri hljóðvist. Viðarklæðningarnar eru umhverfisvænar og koma í einingum þannig að fólk sem er þokkalega handlagið ætti að geta fest klæðningarnar upp sjálf.
Hægt er að nota viðarklæðningu á nánast hvað sem er. Á heimili nokkru í Reykjavík var viðarklæðning sett undir borðplötu á eyju og í eldhúsinu. Eins og sést á myndinni er það ferlega vel heppnað og smart. Klæðningarnar eru mjög fallegar í ljósum viðarlit en þær eru líka ofursvalar í svörtum lit.
Ef það er eitthvað sem vantar inn á heimili þitt, hvort sem það er hljóðvist eða betri stemning, þá gætu þessar viðarklæðningar mögulega átt heima inni á þínu heimili.