Við Bollagötu í Reykjavík hefur fjölskylda búið sér mjög fallegt heimili. Íbúðin sjálf er 87 fm að stærð en húsið var byggt 1943.
Eldhús og stofa tengjast. Í eldhúsinu er innrétting úr burstuðu stáli og með viðarborðplötu. Á veggnum eru flísar og stringhillur, veggljós og myndir. Þar er líka stór gaseldavél með svo stórum ofni að hægt er að elda heilan skrokk inni í honum.
Á miðju eldhúsgólfi er vandað borðstofuborð, ljósakróna í gamaldags stíl og hvítur frístandandi ísskápur.
Í stofunni eru meiri stringhillur, gulur sófi og falleg listaverk. Veggirnir eru hvítmálaðir og þegar inn á ganginn er komið setja hansahillur svip á heimilið.