Henný Hinz var ráðin aðstoðarmaður ríkisstjórnarinnar í fyrra. Nú hefur hún sett glæsilegt hús sitt á sölu. Það er í 101 og afar fallegt. Henný býr í húsinu ásamt fimm börnum og eiginmanni sínum, Kristjáni Geir Péturssyni. Hjónin festu kaup á húsinu 2008 og hafa síðan þá lagt mikla vinnu í að gera það upp.
„Mikið endurnýjuð eign við Ránargötu 24 sem skiptist í aðalhæð með stofum, eldhúsi og herbergi. Efri hæðin skiptist í tvö svefnherbergi og baðherbergi. Svalir til vesturs. Kjallari er með tveimur svefnherbergjum, baðherbergi. Þvottahús er sér og gengið í það utan frá. Þrjár geymslur í garði og við hús. Húsið fékk viðurkenningu frá borgarstjóranum í Reykjavík árið 2016 fyrir vandaðar endurbætur,“ segir í fasteignaauglýsingu inni á mbl.is.