Tónlistarkonan Björk Guðmundsdóttir hefur selt þakíbúð sína í New York-borg á sex milljónir bandaríkjadala, eða um 768 milljónir króna á gengi dagsins í dag. Viðskiptablaðið greindi fyrst frá.

Íbúðin er staðsett í Brooklyn-hverfinu og er 280 fermetrar að stærð. Alls eru fjögur svefnherbergi og fjögur baðherbergi í íbúðinni, en þar að auki er verönd sem umlykur íbúðina með frábæru útsýni yfir Brooklyn og hluta af Manhattan.

Fór á sölu árið 2018

Björk festi kaup á íbúðinni með fyrrverandi eiginmanni sínum, listamanninum Matthew Barney, árið 2009. Eignina keyptu þau fyrir um fjórar milljónir bandaríkjadala, eða um 571 milljón króna á gengi dagsins í dag. Björk og Barney voru saman frá árinu 2000 til 2013, en Björk keypti hlut Barney í íbúðinni árið 2015 á um 1,6 milljónir bandaríkjadala, eða 228 milljónir króna. 

Rúmlega fjögur ár eru síðan greint var frá því að íbúðin hefði verið sett á sölu, en þá var uppsett verð níu milljónir bandaríkjadala. Á fasteignaskrá New York-borgar kemur fram að gengið hafi verið frá sölunni í lok mars á síðasta ári.

Björk flutti aftur til Íslands í heimsfaraldrinum eftir langa búsetu í Bandaríkjunum. Árið 2021 festi hún kaup á einbýlishúsi sem var þá eitt dýrasta einbýli landsins. Smartland greindi frá kaupunum en húsið var teiknað af Sigvalda Thordarson.

Frétt af mbl.is

Björk kaupir einbýlishús á 420 milljónir

Tengdar fréttir

Heimili

Hönnun Rutar Káradóttur ræður ríkjum í Fossvogi

• Jón Jónsson og Hafdís selja 182 milljóna einbýli
• Rakel og Pálmi Guðmunds selja lekkera íbúð á besta stað
• Stílhreint 105 fm einbýli í Kópavogi
• Arkitektahöll í Fossvogi með eftirsóknarverðum eiginleikum

» Fleiri tengdar fréttir

Framakonur

Laufey heiðruð á forsíðu tískutímarits

• Unnur Birna leggur inn málflutningsréttindi sín
• Heldur sín fyrstu jól heima á ADHD-lyfjum
• Fannst æðislegt að búa í London
• Gerður ætlar að opna nýja kynlífs­tækja­verslun

» Fleiri tengdar fréttir

• Blogga um frétt