Molly ehf. hefur fest kaup á 1.400 fm lóð sem áður var í eigu Alexöndru Helgu Ívarsdóttur og fótboltamannsins Gylfa Þórs Sigurðssonar. Eigandi Molly ehf. er Albert Þór Magnússon oft kenndur við Lindex á Íslandi.
Alexandra og Gylfi festu kaup á lóð við Mávanes 5 í Arnarnesi í júlí 2020. Þau greiddu 140 milljónir fyrir lóðina. Lóðin snýr til suðurs og er á eftirsóttum stað. Á lóðinni er heimilt að byggja 600 fm einbýlishús. Bílumferð er lítil á þessum stað og stutt í sjóinn og óbeislaða náttúru.
Það eru miklar breytingar í gangi hjá hjónunum Alexöndru og Gylfa því fyrr í dag var greint frá því að þau hefðu keypt einbýli í Garðabæ.