Framleiðslufyrirtækið Sagafilm hélt sitt árlega Hjúfr í gærkvöldi. Í boðinu varð ekki þverfótað fyrir íslenskum stjörnum. Mikið af sjónvarpsfólki lét sjá sig en einnig kvikmyndaframleiðendur, ljósmyndarar og listamenn. Teitið var haldið í stúdíói fyrirtækisins en margir frægustu sjónvarpsþættir landsins hafa einmitt verið teknir upp í þessu húsnæði.
Leikmunir frá Bókamessunni í Frankfurt voru fyrirferðarmiklir og sjá mátti húsgögn úr þekktum sjónvarpsþáttum.