Árið 2013 var mjög fjörugt í skemmtanalífinu ef marka má allar ljósmyndirnar sem teknar voru í boðum það herrans ár. Eitt flottasta teiti þessa árs var þegar Morgunblaðið fagnaði 100 ára afmæli sínu með 1.200 manna boði í Hörpu þar sem ekkert var til sparað. Það var þó fleira sem gerðist á árinu eins og myndirnar segja til um.
Jón Óttar Ragnarsson og Margrét Hrafnsdóttir endurnýjuðu hjúskaparheit sín í lok árs 2013 með miklum glans eins og myndirnar sýna.
Það var glatt á hjalla á jólafrumsýningu Þjóðleikhússins 2013 þegar stykkið Þingkonurnar var frumsýnt. Benedikt Erlingsson leikstýrði verkinu af miklum myndarskap. Verkið laðaði að þotulið þess tíma.
Framleiðslufyrirtækið True North fagnaði 10 ára afmæli árið 2013. Slegið var upp veislu í Björtuloftum í Hörpu af því tilefni.
Bókin um goðsögnina Hemma Gunn kom út árið 2013. Orri Páll Ormarsson blaðamaður á Morgunblaðinu skrifaði bókina og var hann algerlega á heimavelli þar. Eins og sést á myndunum var mikil stemning í útgáfuboðinu.
Eva Dögg Sigurgeirsdóttir gaf út Tískubókina árið 2013 og fagnaði áfanganum í gullkjól frá Ted Baker.
Eva Laufey Kjaran Hermannsdóttir gaf út matreiðslubók árið 2013 og fagnaði systir hennar, Edda Hermannsdóttir, ákaft með henni.
Playboy-fyrirsætan Arna Bára Karlsdóttir opnaði hárgreiðslustofu 2013. Nú er hún búsett á Spáni ásamt fjölskyldu sinni og gerir það gott á netinu.
Morgunblaðið varð 100 ára 2013 og var haldið upp á afmælið með glæsiveislu í Hörpu. Ekkert var til sparað til að heiðra þetta elsta dagblað landsins.
Karl Steingrímsson eða Kalli í Pelsinum eins og hann er kallaður er alltaf með gleðina í forgrunni.
Myndlistarmaðurinn Tolli fékk það heillandi verkefni að hanna munstur á úlpur sem framleiddar voru fyrir Cintamani. Úlpunum var vel tekið og voru allir helstu greifar landsins komnir í Tolla-úlpu.